विश्व

गायिकाका प्रेमी राजनीतिज्ञ !

न्यूज २४ दैनिक

सोमबार, कात्तिक ३, २०८२ ०५:०१

यतिबेला क्यानडाका पूर्वप्रधानमन्त्री निकै चर्चामा छन् । जस्टिन ट्रुडो निकै लोकप्रिय प्रधानमन्त्री थिए । उनको सुरुवाती कार्यकाल सुखद भए पनि पछिल्लो समय पत्नीसँगको पारपाचुके र राजनीतिक अस्थिरताका बीच निकै तनाव बेहोरेका थिए ।

यतिबेला उनी पुनः चर्चामा आएका छन् । ५३ वर्षे जस्टिन ४० वर्षीया पप गायिका केटी पेरीसँगको रोमान्सको चर्चा यतिबेला चुलिएको छ । दुवै अमेरिकाको सान्ता बार्बरामा गएको अक्टोबर १२ मा एउटा याटमा थिए र उनीहरू चुम्बन गरिरहेको तस्वीर सार्वजनिक भएको थियो । उनीहरूको सहज चुम्बनका कारण सो तस्वीर भाइरल बन्न पुग्यो । पछि पिपल म्यागेजिनले लेखेको छ, ’उनीहरूले एकअर्कालाई निकै सहज महसुस गरिरहेका थिए ।

गायिका केटी पेरीले जस्टिनलाई आकर्षक देखेकी छन् । त्यसमाथि जस्टिन पनि केटी पेरीप्रति निकै सम्मानजनक व्यवहार गरेको देखिन्थे । यो उमेरमा एक आकर्षक व्यक्तिलाई पाउँदा केटी निकै खुसी छिन् ।’ गएको जुलाई महिनादेखि नै उनीहरूले एकअर्कालाई मन पराउन थालेका छन् भन्ने हल्ला व्यापक भइरहेको थियो । क्यानडाको एउटा चर्चित रेस्टुराँमा उनीहरू कुकुर डुलाउँदै पुगेका थिए । त्यही रेस्टुराँमा यी दुईले भोजन गरेयता सम्बन्ध कसिलो हुँदै जान थालेको पिपल म्यागेजिनले लेखेको छ ।

यसअघि गायिका केटीको ४८ वर्षे प्रख्यात चलचित्र नायक ओर्लान्डो ब्लूमसँग बिहेको तयारी गरिरहेकी थिइन् । तर पछि के कुरा नमिलेर हो, दुवैले बिहेको मगनी तोडेका थिए । उनीहरू दुवैले बिहे नगरी नै एउटी छोरी जन्माएका थिए । गायिकाको पाँच वर्षीया छोरी डेजी डोभ छिन् । उता जस्टिनका तीन सन्तान छन् । सन् २०२३ मा जस्टिनले सोफीसँगको १८ वर्षे वैवाहिक सम्बन्ध तोडेका थिए । यी दुवैले आफ्नो सम्बन्ध के हो भन्नेबारे अझै मुख खोलेका छैनन् ।

प्रकाशित मिति: सोमबार, कात्तिक ३, २०८२ ०५:०१

प्रतिक्रिया दिनुहोस्