राजनीति
ठूला दलको कारण चाहेजस्तो प्रतिवेदन बन्न नसकेको कार्कीको दाबी
काठमाडौं । राप्रपा सांसद एवं ‘कुलिङ अफ पिरियड’मा भएको बदमासी छानबिन गर्न गठित विशेष समिति सदस्य रोशन कार्कीले ठूला दलका कारण चाहेजस्तो प्रतिवेदन बन्न नसकेको बताएकी छन् ।
विशेष समितिले मंगलबार सभामुखलाई प्रतिवेदन बुझाएपछि संसद् भवनमा सञ्चारकर्मीसँग कार्कीले ठूला दलका दम्भका कारण चाहेजस्तो निष्कर्ष निकाल्न नसकिएको बताएकी हुन् ।
उनले प्रतिवेदनमा नैतिकता भन्ने शब्द राख्ने विषयमा सहमति जुट्न नै दुई दिन लागेको जानकारी दिइन् । नैतिकता भन्ने शब्दसँग ठूला दल डराएपछि त्यसलाई राख्न समितिभित्रै माओवादी, रास्वपा र राप्रपाले ठूलो दबाब दिनुपरेको उनको भनाइ छ ।
कार्कीले राज्य व्यवस्था समितिका सभापति रामहरि खतिवडाले कांग्रेस सभापति र कर्मचारीको दबाबले ‘कुलिङ अफ पिरियड’मा चलखेल गरेको पाइएको समेत बताइन् ।
प्रकाशित मिति: मंगलबार, साउन २०, २०८२ १४:३८
प्रतिक्रिया दिनुहोस्
सम्बन्धित समाचार
-1760598750.jpeg)
