विदेश
पकिस्तानको बलुचिस्तानमा ३१ अगस्टसम्म इन्टरनेटमा प्रतिबन्ध
काठमाडौं । पाकिस्तानको बलुचिस्तान राज्यमा मोबाइल इन्टरनेट सेवा बन्द गरिएको छ । बीबीसी उर्दू सेवाका अनुसार, पाकिस्तानको क्वेटासहित सम्पूर्ण बलुचिस्तानमा मोबाइल इन्टरनेट सेवा बन्द गरिएको छ ।
बलुचिस्तान सरकारका एक वरिष्ठ अधिकारीले सुरक्षा कारणले सम्पूर्ण प्रान्तमा मोबाइल इन्टरनेट सेवाहरू निलम्बन गरिएको बताए ।
नाम नखुलाउने सर्तमा ती अधिकारीले बीबीसी उर्दूसँगको कुराकानीमा यो कुराको पुष्टि गरका हुन् । उनले भने, “आतंककारी घटनाहरूको आशंकाका कारण सम्पूर्ण बलुचिस्तानमा ३१ अगस्टसम्म मोबाइल इन्टरनेट सेवा बन्द रहनेछ ।”
यसअघि, पनि बलुचिस्तानका केही क्षेत्रमा केही समयका लागि इन्टरनेट सेवा बन्द गरिएको थियो । तर, यसअघि सम्पूर्ण प्रान्तमा यसरी इन्टरनेट सेवा कहिल्यै बन्द गरिएको थिएन ।
बीबीसी हिन्दीबाट ।
प्रकाशित मिति: शुक्रबार, साउन २३, २०८२ १६:२६
प्रतिक्रिया दिनुहोस्
सम्बन्धित समाचार
-1760598750.jpeg)
