चीनमा प्रधानमन्त्री ओलीले गरे धान उत्पादन विशेष क्षेत्रको भ्रमण (तस्बिरहरू)

काठमाडौं । चीन भ्रमणमा रहेका प्रधानमन्त्री केपी शर्मा ओलीले आज (भदौ १५) जिनान जिल्लाको सिआओझानस्थित धान उत्पादन विशेष क्षेत्रको भ्रमण गरेका छन् । उनलाई उक्त क्षेत्रबारे त्यहाँका अधिकारीहरूले जानकारी गराएका प्रधानमन्त्रीको सचिवालयले जनाएको छ ।

प्रधानमन्त्री ओली शनिबार (भदौ १४) दिउँसो उत्तरी चीनको सहर तियानजिन पुगेका हुन् । शनिबारै तियानजिन अतिथिगृहमा प्रधानमन्त्री ओली र चिनियाँ राष्ट्रपति सी चिनफिङबीच दुईपक्षीय भेटवार्ता भएको थियो ।

• ओलीलाई सीको जवाफ– लिपुलेक विवाद नेपाल–भारतले समाधान गर्ने विषय हो (भिडियोसहित)

राष्ट्रपति सीको मैत्रीपूर्ण निमन्त्रणामा सांघाई सहयोग संगठन (एससीओ)को शिखर सम्मेलनमा भाग लिन प्रधानमन्त्री ओली शनिबारै बिहान तियानजिन प्रस्थान गरेका हुन् ।

प्रधानमन्त्री ओलीले सोमबार (भदौ १६) तियानजिनमा हुने एससीओ प्लस शिखर सम्मेलनमा सम्बोधन गर्ने कार्यक्रम छ । एससीओ शिखर सम्मेलनको ‘साइडलाइन’मा प्रधानमन्त्रीले केही विश्व नेताहरूसँग भेटघाट गर्नेछन् ।

धान उत्पादन विशेष क्षेत्रको भ्रमणका तस्बिर हेर्नोस्–