राजनीति
संसदीय सुनुवाइ समितिको सभापतिमा रामहरि खतिवडा निर्विरोध
काठमाडौं । संसदीय सुनुवाइ समिति (संयुक्त)को सभापति पदमा नेपाली कांग्रेसका सांसद रामहरि खतिवडा निर्विरोध भएका छन् । संसद् सचिवालयका महासचिव पद्मप्रसाद पाण्डेले जारी गरेको विज्ञप्तिअनुसार, बिहीबार दिउँसो २–४ बजेसम्म दिएको समयावधिमा खतिवडाको एकल उमेदवारी परेको छ ।
राज्यव्यवस्था तथा सुशासन समिति सभापति बन्न भदौ १० गते ईश्वरीदेवी न्यौपानेले राजीनामा दिएपछि उक्त पद रिक्त थियो । जसमा खतिवडाले उमेदवारी दिएका हुन् ।
निजामती विधेयकमा कुलिङ अफ पिरियड प्रावधानमा भएको गडबडीबारे छानबिन गर्न गठित समितिको प्रतिवेदनपछि खतिवडाले राज्यव्यवस्था समिति सभापतिबाट राजीनामा दिएका थिए ।
प्रकाशित मिति: बिहीबार, भदौ १९, २०८२ १६:५०
प्रतिक्रिया दिनुहोस्
सम्बन्धित समाचार
-1760598750.jpeg)
