राजनीति
राष्ट्रिय मुक्ति पार्टीले चुनाव र जेनजी आन्दोलनबारे छलफल गर्दै
काठमाडौं । राजेन्द्र महतो नेतृत्वको राष्ट्रिय मुक्ति पार्टीले आगामी फागुन २१ गतेका लागि तोकिएको निर्वाचनलगायत विषयमा छलफल थालेको छ । अहिले जारी भर्चुअल केन्द्रीय कार्यकारिणी समितिको बैठकमा जेनजी आन्दोलनका विषयमा पनि छलफल भइरहेको पार्टीका महासचिव केशव झाले जानकारी दिए ।
“बैठकमा जेनजी आन्दोलन र समसामयिक राजनीतिक विषयमा छलफल भइरहेको छ । साउन ३१ देखि भदौ ६ गतेसम्म बसेको केन्द्रीय कार्यकारिणी समितिको बैठकले गरेका निर्णयको कार्यान्वयनको समीक्षा पनि बैठकले गर्नेछ,” उनले बाह्रखरीसित भने ।
यस्तै, पार्टीको संगठन विस्तार, पार्टी एकता, मोर्चा र गठबन्धनको विषयमा पनि बैठकमा छलफल हुने झा बताउँछन् ।
जेनजी आन्दोलनपछि फागुन २१ गतेका लागि निर्वाचनको मिति तय भएसँगै दलहरू आन्तरिक छलफलमा जुटेका छन् ।
प्रकाशित मिति: शुक्रबार, असोज २४, २०८२ १३:३३
प्रतिक्रिया दिनुहोस्
सम्बन्धित समाचार
-1760598750.jpeg)
