राजनीति
वरीयता टुंग्याउँदै प्रचण्ड र माधव नेपाल
काठमाडौं । नेकपा (माओवादी केन्द्र) महाधिवेशन आयोजक समितिका संयोजक पुष्पकमल दाहाल ‘प्रचण्ड’ र एकीकृत समाजवादीका अध्यक्ष माधवकुमार नेपालबीच आज (कात्तिक १६) भेटवार्ता हुँदै छ । यी दुई पार्टीबीच एकता गर्ने पक्का भएपछि वरीयतालगायत विषयमा उनीहरूले छलफल गर्न लागेका माओवादी केन्द्रका प्रवक्ता अग्नि सापकोटाले जानकारी दिए ।
उनले बाह्रखरीसित भने, “सम्भवतः पेरिसडाँडामा नै छलफल हुनेछ । दुवै नेताबीच वरीयतालगायत विषयमा छलफल हुने भनिएको छ ।”
एकीकृत समाजवादीको केन्द्रीय कमिटी बैठकबाट माओवादी केन्द्रसँग पार्टी एकता गर्ने निर्णय गरिएको थियो । त्योसँगै दल दर्ता, संगठनात्मक विषय टुंगो लगाउन दुवै नेता कस्सिएका हुन् ।
एकताको गृहकार्य नपुगेको भन्दै दुवै पार्टीका केही नेता भने चिढिएका छन् ।
प्रकाशित मिति: आइतबार, कात्तिक १६, २०८२ १३:१३
प्रतिक्रिया दिनुहोस्
सम्बन्धित समाचार
-1760598750.jpeg)
