राजनीति
राष्ट्रिय मुक्ति पार्टीले विचार मिल्ने पार्टीसँग सहकार्य गर्ने
काठमाडौं । राष्ट्रिय मुक्ति पार्टीले विचार मिल्ने पार्टीहरूसँग सहकार्य गर्ने भएको छ । केन्द्रीय समितिको बैठकले विचार, सिद्धान्त र मुद्दा मिल्ने दलहरूसँग एकता, मोर्चा र चुनावी गठबन्धन गर्ने निर्णय गरेको हो ।
बैठकले चुनावी प्रयोजनका लागि दल दर्ता पनि गर्ने निर्णय गरेको पार्टीका प्रवक्ता रविन्द्रकुमार श्रेष्ठले जानकारी दिए ।
बैठकले आगामी निर्वाचनका लागि उमेदवार छनोट र केन्द्रीय कार्यालयमा उमेदवार सिफारिसको प्रक्रिया पारदर्शी, समावेशी र सहभागितामा आधारित बनाउने निर्णय गरेको छ ।
केन्द्रीय समितिको बैठक कात्तिक ३० र मंसिर १ गते गरी दुई दिन बसेको थियो ।
प्रकाशित मिति: मंगलबार, मंसिर २, २०८२ १८:३४
प्रतिक्रिया दिनुहोस्
सम्बन्धित समाचार
-1760598750.jpeg)
