राजनीति
जेनजी अभियन्तालाई नभेटी सिंहदरबारबाट बाहिरिइन् प्रधानमन्त्री
काठमाडौं । प्रधानमन्त्री सुशीला कार्की ‘जेनजी’ अभियन्ताहरूलाई नभेटी सिंहदरबारबाट बाहिरिएकी छन् । सोमबार दिउँसो ज्ञापनपत्र बुझाउन पुगेका जेनजी समूहलाई समय नदिई प्रधानमन्त्री कार्की कार्यालयबाट बाहिरिएकी हुन् ।
आज मन्त्रिपरिषद्को बैठक पनि बसेको थियो । बैठकपछि प्रधानमन्त्रीले आफूहरूलाई सयम दिने जेनजी अभियन्ताको अपेक्षा थियो ।
प्रधानमन्त्रीको समय मिलाउन खोज्दा प्रमुख स्वकीय सचिवले फोन ‘स्विच अफ’ गरेर बसेको र म्यासेजको समेत रिप्लाई नदिएको अभियन्ताहरूको गुनासो छ । आफूहरूलाई नभेटि प्रधानमन्त्री हिँडेपछि अभियन्ताहरू थप आक्रोशित बनेका छन् ।
प्रधानमन्त्रीको सचिवालयमा आफन्त र नातेदारलाई नियुक्ति दिएको विरोधमा उनीहरू ज्ञापनपत्र बुझाउन सिंहदरबार पुगेका थिए ।
प्रकाशित मिति: सोमबार, मंसिर ८, २०८२ १७:०४
प्रतिक्रिया दिनुहोस्
सम्बन्धित समाचार
-1760598750.jpeg)
