राजनीति
महाधिवेशनलाई समय कम भयो : शशांक कोइराला
चितवन । नेपाली कांग्रेसका नेता डा. शशांक कोइरालाले महाधिवेशनका निम्ति समय कम भएको बताएका छन् ।
मंगलबार (मंसिर १६) चितवनमा पत्रकारसँग कुराकानी गर्दै उनले महाधिवेशन गर्न कम्तीमा तीन महिना समय आवश्यक पर्ने बताए । कोइरालाले भने, “समय कम भयो । महाधिवेन पुसमा सम्भव भएन भने निर्वाचनपछि हुन्छ ।”
उनले पार्टीले पुसमा महाधिवेशन गर्ने निर्णय गरेको भए पनि हुन्छ या हुन्न भन्ने टुंगो नभएको बताए । यद्यपि, सबै महाधिवेशनको तयारीमा जुट्नुपर्ने उनको भनाइ छ ।
‘जेनजी’लाई समेत महाधिवेशनमा समेटेर लैजानुपर्ने उनले बताए । महाधिवेशनमा उमेदवारीका सम्बन्धमा उनले भने, “सभापतिका लागि लड्ने भनेको थिएँ । शेखर दाइ हुनुहुन्छ, उहाँ पनि इच्छुक हुनुहुन्छ । कुरा भइरहेको छ । दुईजनामध्ये एकजना लड्छौँ ।” रासस
प्रकाशित मिति: मंगलबार, मंसिर १६, २०८२ १३:२५
प्रतिक्रिया दिनुहोस्
सम्बन्धित समाचार
-1760598750.jpeg)
