राजनीति
देउवाजी र मैले बकुल्लाको बीउ रोपेका छौँ : ओली
काठमाडौं । नेकपा (एमाले)का अध्यक्ष केपी शर्मा ओलीले नेपाली कांग्रेसका सभापति शेरबहादुर देउवासँग देशको पछिल्लो परिस्थितिका बारेमा छलफल गरिएको बताएका छन् ।
बिहीबार (मंसिर २५) काठमाडौंमा सञ्चारमाध्यमका सम्पादकहरूसँग छलफलका क्रममा उनले दुई ठूला पार्टीका नेताबीच देशको पछिल्लो परिस्थितिका बारेमा छलफल भएको बताए ।
उनले भने, “दुईवटा पार्टीका नेताबीच भेट हुँदा देशको चिन्ता गरेनन् होला ? हामीबीच तोरीको बीउ छरेजस्तो हैन, बकुल्लाको बीउ रोपेजस्तो कुरा भयो । बकुल्लाको बीउ रोपेका छौँ हामीले ।”
देशको पछिल्लो अवस्था र चुनौतीका विषयमा छलफल गरिनु स्वाभाविक रहेको उनले बताए ।
ओली र देउवाबीच यही मंसिर १९ गते महाराजगन्जमा भेटवार्ता भएको थियो ।
प्रकाशित मिति: बिहीबार, मंसिर २५, २०८२ १६:३३
प्रतिक्रिया दिनुहोस्
सम्बन्धित समाचार
-1760598750.jpeg)
