राजनीति
१४औँ महाधिवेशनअघि काठमाडौं र ललितपुरका सदस्यलाई चार वर्षपछि मान्यता
काठमाडौं । नेपाली कांग्रेसले १४औँ महाधिवेशनअघि सदस्यता लिएकाहरूले चार वर्षपछि मान्यता पाएका छन् । कांग्रेसको क्रियाशील सदस्यता १४औँ महाधिवेशनअघि नै लिएर भाग लिन नपाएका ती सदस्यका विषयमा विवाद कायम थियो । उनीहरूको सदस्यता कायम गर्ने र नगर्ने विवाद मंगलबारको सदस्यता व्यवस्थापन केन्द्रीय समितिले टुंग्याएको छ ।
“१४औँ महाधिवेशनअघि सदस्यता लिएका काठमाडौं र ललितपुरका सदस्यको विषयमा विवाद बाँकी रहेछ,” सदस्यता व्यवस्थापन केन्द्रीय समितिका सदस्य योगेन्द्र चौधरीले भने, “उनीहरूको सदस्यता कायम राख्दै अब नवीकरण गरे त्यही अवधिदेखि गणना हुने निर्णय भएको छ ।”
मुख्यसचिव कृष्णप्रसाद पौडेलका अनुसार, काठमाडौंका चार सयभन्दा बढी र ललितपुरका ६५ सदस्यका विवाद समाधान भएको थिएन ।
प्रकाशित मिति: मंगलबार, पुस १, २०८२ १९:०३
प्रतिक्रिया दिनुहोस्
सम्बन्धित समाचार
-1760598750.jpeg)
