देश
त्रिशूलीमा भेटियो दुई जनाको शव, बाढीले बगाएको आशंका
काठमाडौं । धादिङस्थित त्रिशूली नदीमा दुई जनाको शव भेटिएको छ । मंगलबार बिहान गजुरी गाउँपालिका–६, बेल्खुस्थित त्रिशूली नदीको किनारमा अन्दाजी ३६ वर्षीय पुरुषको शव भेटिएको हो ।
यस्तै, गल्छी गाउँपालिका–२, केउरेनी टारस्थित त्रिशूली नदीको किनारबाट अन्दाजी ४० वर्षी पुरुषको शव भेटिएको छ ।
उनीहरू दुवैको पहिचान खुलेको छैन । उनीहरूलाई बाढीले बगाएर ल्याएको हुन सक्ने धादिङ प्रहरीले जनाएको छ ।
प्रहरीका अनुसार, शव आज बिहान ९ बजेतिर भेटिएको हो । अहिले त्रिशूली नदीमा बहाब बढेको छ ।
उता चितवन प्रहरीले नारायणी नदीमा पनि बहाब बढ्न सक्ने भएकाले माइकिङ गरेर नदी किनारमा रहेकाहरूलाई सुरक्षित स्थानमा जान आग्रह गरेको छ ।
प्रकाशित मिति: मंगलबार, असार २४, २०८२ ११:१५
प्रतिक्रिया दिनुहोस्
सम्बन्धित समाचार
-1759642161.jpeg)
-1760598750.jpeg)
