खेल
साफ यू–१७ महिला च्याम्पियनसिप : असार २९ देखि जिल्लास्तरीय छनोट
काठमाडौं । नेपालले भुटानमा आयोजना हुने साफ यू–१७ महिला च्याम्पियनसिप खेल्ने भएको छ । अखिल नेपाल फुटबल संघ (एन्फा)ले शुक्रबार उक्त प्रतियोगितामा नेपालको सहभागिता रहने जनाउँदै छनोट सुरु हुने जानकारी सार्वजनिक गरेको हो ।
साफ यू–१७ महिला च्याम्पियनसिप आगामी भदौ ४ देखि १५ गतेसम्म आयोजना हुनेछ ।
एन्फाका अनुसार, छनोट जिल्ला, प्रदेश हुँदै केन्द्रीय संरचनामा गरिनेछ । एन्फाले जिल्लास्तरीय छनोट असार २९ र ३० गते, प्रदेशस्तरीय छनोट असार ३१ र साउन १ गते र केन्द्रीयस्तरीय छनोट साउन ४, ५ र ६ गते हुने जनाएको छ ।
नेपाल च्याम्पियनसिपको पछिल्लो संस्करणमा चौथो भएको थियो । यसपटकको संस्करण प्रतियोगिताको दोस्रो संस्करण हो । पहिलो संस्करण बंगलादेशमा सन् २०२३ मा भएको थियो ।
प्रकाशित मिति: शुक्रबार, असार २७, २०८२ १८:०९
प्रतिक्रिया दिनुहोस्
सम्बन्धित समाचार
-1760598750.jpeg)
