साहित्य
मुक्तक
सत्ताको घिनाहा खेल
शिरीष रानाभाट
समाजवादको नाराले मात्र बल्दैन गरिबको चुलो हेर
नांगिन्छौ कति अझै छोडिदेऊ गर्न कुरा ठूलो हेर
भ्रष्टाचार र सत्ताको लुछाचुँडी यसरी नै लम्बिने हो भने
बनाउनेछन् जनताले जरुर तिम्रो दम्भ धुलो हेर ।
०००
इमान रातारात बिक्छ यहाँ सत्ताको घिनाहा खेल छ
स्वार्थी र पदलोलुपहरूमा कुर्चीका लागि ठेलमठेल छ
विश्वास कर्कलोको पातमा अल्झेको पानीको थोपा बन्छ
आशा बाफिन्छ किनकि यहाँ छरपस्ट जालझेल छ ।
०००
श्रमजीवीको रगत र पसिनाले धानिएको मेरो मुलुक छ
जालझेल र छलछाममा झन् तानिएको मेरो मुलुक छ
आसले निम्त्याएका लासहरू थुप्रिँदा छन् यहाँ दिनदिनै
लोभ/भ्रष्टाचारको ‘सैन खटिरो’ गानिएको मेरो मुलुक छ ।
प्रकाशित मिति: शनिबार, असार २८, २०८२ ०९:५०
प्रतिक्रिया दिनुहोस्
सम्बन्धित समाचार
-1760598750.jpeg)
