देश
सिद्धबाबा क्षेत्रको पहिरो हटाइयो, बुटवल–पाल्पा सडकखण्ड सञ्चालन
बुटवल । अविरल वर्षाका कारण गएको पहिरो हटाइएपछि बुटवल–पाल्पा सडकखण्ड सञ्चालनमा आएको छ ।
सडकखन्डअन्तर्गत तिनाउ गाउँपालिका–३, सिद्धबाबा मन्दिरनजिकै पहिरो खस्दा सडक पूर्ण रूपमा अवरुद्ध बनेको थियो । सडक सवा ४ बजे खुलेको नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय लुम्बिनी बुटवलले जनाएको छ ।
प्रहरीका अनुसार, सिद्धबाबा मन्दिरनजिकै सडक माथिबाट ठूलो चट्टान र माटोसहितको पहिरो खसेपछि दुवैतर्फबाट अवरुद्ध भएको हो । सोही क्षेत्रमा सोमबार बिहान १० देखि दिउँसो ४ बजेसम्म पहिरोका कारणले सडक अवरुद्ध बनेको थियो । सोमबार बेलुकी ११ बजेदेखि पुनः अवरुद्ध बनेको थियो ।
यस क्षेत्रमा वर्षाको समयमा पहिरो जाने र दुर्घटना बढेपछि सरकारले सुरुङमार्ग निर्माण गरेको छ । सुरुङको ब्रेक थ्रु भइसकेको छ भने लाइनिङको कामहरू भइरहेको छ ।
प्रकाशित मिति: मंगलबार, साउन २०, २०८२ १६:५२
प्रतिक्रिया दिनुहोस्
सम्बन्धित समाचार
-1759642161.jpeg)
-1760598750.jpeg)
