एमाले पार्टी कार्यालयमा शिक्षक महासंघको धर्ना (तस्बिरहरू)

काठमाडौं । नेपाल शिक्षक महासंघले नेकपा (एमाले)को पार्टी कार्यालयमा धर्ना दिएको छ । आज महासंघको टोली ललितपुरको च्यासलस्थित पार्टी कार्यालयमा दुई घण्टा धर्ना दिएको हो ।

धर्नापछि महासंघले एमालेका महासचिव शंकर पोखरेललाई ज्ञापनपत्र बुझाएको छ ।

यसअघि, महासंघले बुधबार सानेपास्थित कांग्रेसको केन्द्रीय कार्यालयमा धर्ना दिएको थियो । शुक्रबार नेकपा (माओवादी केन्द्र)को केन्द्रीय कार्यालय पेरिसडाँडामा धर्ना दिने कार्यक्रम छ ।

प्रतिनिधिसभामा पेस भएको विद्यालय शिक्षा विधेयकमा आफूहरूका माग समेट्नुपर्ने उनीहरूको माग छ ।

विधेयकमा विगतमा भएका सहमति कार्यान्वयन नभएको भन्दै महासंघले आन्दोलनको घोषणा गरेको छ ।

हेर्नुहोस् तस्बिर

तस्बिरहरू : हरिशजंग क्षेत्री/बाह्रखरी