खेल
साफ यू–१७ च्याम्पियनसिप : भारतको सामना गर्दै नेपाल
काठमाडौं । भुटानमा जारी साफ यू–१७ महिला च्याम्पियनसिपमा नेपालले आज भारतको सामना गर्दै छ ।
खेलमा नेपाल भारतविरुद्ध पहिलो जितको निम्ति चुनौती पेस गर्नेछ । भारतले यसअघि पहिलो चरणमा नेपाललाई ७–० ले पराजित गरेको थियो ।
प्रतियोगितामा अपराजित रहेको भारत १२ अंकका साथ शीर्ष स्थानमा छ । उसले प्रतियोगिताको पहिलो खेलमा नेपाललाई ७–०, दोस्रो खेलमा बंगलादेशलाई २–०, तेस्रो खेलमा भुटानलाई ८–० र चौथो खेलमा पुनः भुटानलाई ५–०ले पराजित गरेको थियो ।
खेल भुटानको चिङलिमिथाङ रंगशालामा नेपाली समयअनुसार ५ : ४५ बजे सुरु हुनेछ । प्रतियोगितामा नेपाल, भारत, बंगलादेश र भुटानको सहभागिता छ । डबल राउन्ड रोबिन पद्दतीअनुसार सञ्चालित प्रतियोगिताको शीर्ष टोलीले उपाधि उचाल्नेछ । प्रतियोगिता अगष्ट ३१ सम्म सञ्चालन हुनेछ ।
प्रकाशित मिति: शुक्रबार, भदौ १३, २०८२ १३:०१
प्रतिक्रिया दिनुहोस्
सम्बन्धित समाचार
-1760598750.jpeg)
