देश
माइक्रोबस नै ‘रिजर्भ’ गरेर नख्खुडोल पुगेका युवाहरूको कुटपिटबाट गुरुङ घाइते
काठमाडौं । ललितपुरमा एक युवामाथि निर्घात कुटपिट भएको छ । ललितपुरको भैँसेपाटीस्थित नख्खुडोलका २१ वर्षीय युवा आयुश गुरुङमाथि कुटपिट भएको हो ।
धादिङका आकाश तामाङ, कैलालीका रमेश सेठीसहित १०/१२ जनाको समूहमा आएका युवाहरूले आयुशमाथि कुटपिट गरेका हुन् ।
गएको बिहीबार एक माइक्रो बस नै ‘रिजर्भ’ गरेर नख्खुडोल पुगेका उनीहरूले आयुशमाथि कुटपिट गरेको खुलेको छ । ललितपुर प्रहरीले कुटपिटमा संलग्न आकाशसहित तीनजनाविरुद्ध अनुसन्धान गर्न पक्राउ अनुमति लिएको छ ।
उनीहरूको खोजी तीव्र पारिएको प्रहरीले जनाएको छ । कुटपिटबाट घाइते आयुशको टाउकोमा गम्भीर चोट लागेको छ । पाटन अस्पतालमा उपचारपछि बुधबारमात्रै उनी घर फर्किएका छन् । आकाशसँग सामान्य विवादपछि उनले आफ्ना साथीहरू बोलाएर कुटपिट गरेको प्रहरीले जनाएको छ ।
प्रकाशित मिति: बुधबार, भदौ १८, २०८२ १५:३३
प्रतिक्रिया दिनुहोस्
सम्बन्धित समाचार
-1759642161.jpeg)
-1760598750.jpeg)
