देश
सिन्धुलीमा ट्रकको ठक्करबाट पैदलयात्रीको मृत्यु, घरमा ठोक्कियो
सिन्धुली । सिन्धुलीको कमलामाई नगरपालिका–९, बथानचौडीनजिक मदन भण्डारी राजमार्गमा शुक्रबार (भदौ २०) बिहान ट्रकले ठक्कर दिँदा एकजनाको मृत्यु भएको छ । एकजना घाइते छन् ।
विराटनगरबाट काठमाडौंतर्फ जाँदै गरेको ट्रकले बाटोमा हिँडिरहेका भुवन भुजेल र टेकप्रसाद दाहाललाई ठक्कर दिएको जिल्ला प्रहरी कार्यालयका प्रमुख एवं एसपी लालध्वज सुवेदीले जानकारी दिए ।
ठक्करबाट भुजेलको मृत्यु भएको हो । स्थानीय अस्पतालमा घाइते दाहालको उपचार भइरहेको छ ।
पैदलयात्रीलाई ठक्कर दिएपछि नियन्त्रण गुमाएको ट्रक सडक किनारको घरमा ठोक्किँदा गारो ढलेको छ । घरपालुवा २० पन्छी मरेका छन् । ट्रक र त्यसका चालकलाई प्रहरीले नियन्त्रणमा लिएको छ । रासस
प्रकाशित मिति: शुक्रबार, भदौ २०, २०८२ १०:३६
प्रतिक्रिया दिनुहोस्
सम्बन्धित समाचार
-1759642161.jpeg)
-1760598750.jpeg)
