देश
काभ्रेमा महिलाको शव फेला, नख्खु कारागारबाट भागेका श्रीमान्ले हत्या गरेको आशंका
काठमाडौं । काभ्रेको पनौती नगरपालिका–१२, रोशीमा एक महिलाको हत्या भएको छ । प्रहरीका अनुसार, ३० वर्षीया मनीषा तामाङको हत्या भएको हो ।
मनीषाको हत्या उनकै श्रीमान् सन्तबहादुर तामाङले गरेको आशंका प्रहरीले गरेको छ ।
वडा अध्यक्ष जयराम केसीका अनुसार, हत्यापछि महिलाको शव घरनजिक खाल्डोमा गाडिएको अवस्थामा फेला परेको छ ।
अध्यक्ष केसीले भने, ‘‘हामी अहिले प्रहरीको रोहबरमा उत्खनन् गर्ने काम गरिराखेका छौँ । महिलाको चप्पल फेला परेको छ । थप बुझ्ने काम भइरहेको छ ।’’
सन्तबहादुर ‘जेनजी’ आन्दोलनका क्रममा नक्खु कारागारबाट भागेर केही दिनअघि मात्रै घर पुगेका थिए । तर, हाल उनी फरार छन् । वडाध्यक्ष केसीका अनुसार, उनी चार वर्ष पहिले जबरजस्ती करणी मुद्दामा नख्खु कारागार पुगेका थिए ।
प्रकाशित मिति: आइतबार, असोज ५, २०८२ १५:५९
प्रतिक्रिया दिनुहोस्
सम्बन्धित समाचार
-1759642161.jpeg)
-1760598750.jpeg)
