देश
सुर्खेतमा ट्रकको ठक्करबाट एकजनाको मृत्यु
सुर्खेत । सुर्खेतमा ट्रकको ठक्करबाट एकजनाको मृत्यु भएको छ । एकजना घाइते छन् ।
सोमबार (असोज ६) दिउँसो भेरीगंगा नगरपालिका–१२, पाडुलेमा ना५ख ५६०८ नम्बरको ट्रकले लु.प्र.०३००१ प.३६३१ नम्बरको मोटरसाइकललाई ठक्कर दिएको प्रहरीले जनाएको छ ।
ठक्करबाट मोटरसाइकल चालक बाँकेको कोहलपुर नगरपालिका–२ का करिब २२ वर्षीय ऋतिक शाही गम्भीर घाइते भएका थिए । उपचारका क्रममा सुर्खेतस्थित प्रदेश अस्पतालमा उनको मृत्यु भएको प्रहरीले जनाएको छ ।
मोटरसाइकलमा सवार अछामको पञ्चदेवल विनायक नगरपालिका–४ का १९ वर्षीय दमन शाही घाइते छन् । छिन्चुस्थित माया मेडिकलमा उनको उपचार भइरहेको छ । उक्त ट्रक, चालक र मोटरसाइकललाई प्रहरीले नियन्त्रणमा लिएको छ ।
प्रकाशित मिति: सोमबार, असोज ६, २०८२ १७:२१
प्रतिक्रिया दिनुहोस्
सम्बन्धित समाचार
-1759642161.jpeg)
-1760598750.jpeg)
