देश

जवाङखोलामा सडक सुचारु

बिहीबार, असोज ९, २०८२

काठमाडौं । धादिङको बेनिघाट गाउँपालिका–१०, जवाङखोलामा अवरुद्ध सडक सुचारु भएको छ । बिहान ३ बजे पहिरो पन्छाएसँगै सवारी आवागमन सुचारु भएको छ ।

मंगलबार बिहान उक्त स्थानमा ठूलो सुक्खा पहिरो खसेको थियो । उक्त पहिरो पन्छाएर सडक सञ्चालनमा ल्याइएको थियो । तर, सोही ठाउँमा बुधबार साँझ पुनः पहिरो खसेपछि सडक ठप्प भएको थियो ।

धुनिबेसी नगरपालिका–१०, ठूलोखोला–धार्के–सीतापाइला सडक खण्ड, बेनिघाट रोराङ गाउँपालिका–१०, बाँदरेमोडमा ढुंगासहितको पहिरो खसेर बाटो दुईतर्फी अवरोध भएको जिल्ला प्रहरी कार्यालय धादिङले जनाएको छ ।

तुइन खोलानजिकको पहिरोका कारण मुग्लिङ–नारायणगढ सडकखण्ड पनि अवरुद्ध छ । संघीय राजधानी काठमाडौं प्रवेश गर्ने मुख्य नाका काठमाडौं–मुग्लिङ र मुग्लिङ–नारायणगढ सडकखण्ड अवरुद्ध हुँदा यात्रुलाई शास्ती भएको छ ।

प्रकाशित मिति: बिहीबार, असोज ९, २०८२ ०६:३५