देश
सल्यानमा गाडी दुर्घटना, तीनजनाको मृत्यु
सुर्खेत । सल्यानमा एउटा गाडी दुर्घटना हुँदा तीनजनाको मृत्यु भएको छ । दुईजना गम्भीर घाइते छन् ।
आइतबार (असोज १२) बिहान रुकुम पश्चिमको बाँफिकोट गाउँपालिकाबाट दाङको घोराहीतर्फ जाँदै गरेको लु२प ६५०२ नम्बरको गाडी दुर्घटना भएको हो । सल्यानको कपुरकोट गाउँपालिका–३, चोरखोलामा उक्त दुर्घटना भएको प्रहरीले जनाएको छ ।
घटनास्थलमै तीनजनाको मृत्यु भएको जिल्ला प्रहरी कार्यालय सल्यानले जनाएको छ ।
दुर्घटनामा ज्यान गुमाउनेमा एक महिला र दुई पुरुष छन् । मृतकमध्ये एकजना बाँफिकोट गाउँपालिका–५ का प्रकाश केसी रहेका प्रहरीले जनाएको छ । अरूको परिचय खुलेको छैन ।
सडकबाट करिब ४०० मिटर तल खसेको गाडीमा पाँचजना सवार थिए । एक महिला र एक पुरुष घाइते छन् । उपचारका निम्ति उनीहरूलाई नेपालगन्ज लगिएको प्रहरीले जनाएको छ ।
प्रकाशित मिति: आइतबार, असोज १२, २०८२ ०८:५७
प्रतिक्रिया दिनुहोस्
सम्बन्धित समाचार
-1759642161.jpeg)
-1760598750.jpeg)
