देश
चार डीआईजी एआईजीमा बढुवा सिफारिस (सूचीसहित)
काठमाडौं । गृह मन्त्रालयले नेपाल प्रहरीमा जनपद समूहतर्फको चार प्रहरी नायब महानिरीक्षक (डीआईजी)लाई प्रहरी अतिरिक्त महानिरीक्षक (एआईजी)मा बढुवा गर्न सिफारिस गरेको छ । आइतबार (असोज १०) बढुवा समितिको बैठकले सो निर्णय गरेको हो ।
बैठकले डीआईजीहरू सुशिलसिंह राठौर, उमाप्रसाद चतुरबेदी, हिमालयकुमार श्रेष्ठ र डम्बरबहादुर विकलाई एआईजीमा बढुवा गर्न सिफारिस गरेको हो ।
राठौर नेपाल प्रहरी प्रधान कार्यालय प्रशासन विभाग अन्तर्गत रहेको आर्थिक प्रशासन तथा प्रबन्ध निर्देशनालयमा कार्यरत छन् । चतुरबेदी मधेस प्रदेश प्रहरी प्रमुखको जिम्मेवारीमा छन् ।
श्रेष्ठ अख्तियार दुरुपयोग अनुसन्धान आयोग प्रहरी महाशाखा टंगालमा कार्यरत छन् भने विक सुदूरपश्चिम प्रदेश प्रहरी प्रमुखको जिम्मेवारीमा छन् ।
प्रकाशित मिति: आइतबार, असोज १२, २०८२ २०:३३
प्रतिक्रिया दिनुहोस्
सम्बन्धित समाचार
-1759642161.jpeg)
-1760598750.jpeg)
