देश
कास्की र कञ्चनपुरमा तास खेलिरहेका १४ जना समातिए
काठमाडौं । कास्की र कञ्चनपुरमा तास खेलिरहेका १४ जनालाई प्रहरीले पक्राउ गरेको छ ।
कास्कीमा पक्राउ पर्नेमा पोखरा महानगरपालिका–१६ का ६० वर्षीय बालकृष्ण गुरुङसहित सातजना छन् । गुरुङको घरमा जुवातास खेलिरहेको अवस्थामा मंगलबार (कात्तिक ४) दिउँसो उनीहरूलाई पक्राउ गरिएको प्रहरी प्रधान कार्यालयले जानकारी गराएको छ ।
नगद दुई लाख ९५ हजार ६७५ रुपैयाँ र चार बुक ताससहित उनीहरूलाई पक्राउ गरिएको प्रहरीले जनाएको छ ।
कञ्चनपुरमा पक्राउ पर्नेमा भीमदत्त नगरपालिका–१५ का ३८ वर्षीय प्रकाश धनाडीसहित सातजना छन् । भीमदत्त–१८, पुष्पलाल चोकस्थित पसलमा जुवातास खेलिरहेको अवस्थामा मंगलबार राति उनीहरूलाई पक्राउ गरिएको प्रहरीले जनाएको छ ।
नगद ४१ हजार ९७५ रुपैयाँ र पाँच बुक ताससहित उनीहरूलाई पक्राउ गरिएको प्रहरीले जनाएको छ ।
प्रकाशित मिति: बुधबार, कात्तिक ५, २०८२ १८:४६
प्रतिक्रिया दिनुहोस्
सम्बन्धित समाचार
-1759642161.jpeg)
-1760598750.jpeg)
