देश
काठमाडौंमा आज हल्का वर्षा हुने, देशभर मौसम बदली
-1749797960.jpg)
काठमाडौं । काठमाडौंमा आज दिनभर मौसम बदली हुने भएको छ । बिहानैदेखि बदली भएको मौसम दिनभर पनि जारी रहनेछ ।
काठमाडौंमा बिहानैबाट फाट्टफुट्ट वर्षा सुरु भएको छ । “काठमाडौंमा बिहानैबाट वर्षा सुरु भएको छ । दिनभर यस्तै मौसम रहनेछ,” मौसमविद् डेबिड ढकाल भन्छन्, “काठमाडौंमा आज हल्का वर्षा हुनेछ ।”
हल्का वर्षा भए पनि दिनभर भने वर्षाको सम्भावना नरहेको उनको भनाइ छ । केही समय पानी पर्ने र रोकिनेक्रम दिनभर चल्ने उनले जानकारी दिए ।
मौसमविद् ढकालका अनुसार काठमाडौंमा भोलि, पर्सि भने वर्षाको सम्भावना छैन ।
काठमाडौंसँगै आज देशभर मौसम बदली रहेको उनले बताए । केही स्थानमा भने काठमाडौं बाहिर पनि वर्षा सुरु भइसकेको छ ।
उच्च पहाडी र हिमाली क्षेत्रमा आज भारी हिमपातको समेत सम्भावना छ ।
प्रकाशित मिति: मंगलबार, कात्तिक ११, २०८२ ०८:५४
प्रतिक्रिया दिनुहोस्
सम्बन्धित समाचार
-1759642161.jpeg)
-1760598750.jpeg)
