साहित्य
मुक्तक
धर्मको नाममा
अमर अधिकारी
१.
एकीकरणका लागि पार्टीहरू किन जुट्छन् थाहा छैन
केके नमिलेपछि समय समयमा टुट्छन् थाहा छैन
के नै भरोसा छ र यहाँ स्वार्थीहरू सत्तामा गएपछि
अनेक बहानामा किन राज्यकोष लुट्छन् थाहा छैन ।
२.
ठग्न धेरै सजिलो छ धर्मको नाममा
गुरुले शिष्यलाई जोताउँछन् काममा
आश्रममै नगद थुप्रिन्छ किन कि त्यहाँ
महसुल बुझाएझैँ लाग्नु पर्दैन लाममा ।
३.
नक्कली अभियन्ताका खेलहरू धेरै भए
खराब राजनीतिज्ञका झेलहरू धेरै भए
अपराधी उम्किन्छन् माथिमाथि मिलेपछि
त्यसैले सज्जनलाई थुन्ने जेलहरू धेरै भए ।
(बूढानीलकण्ठ, काठमाडौं)
प्रकाशित मिति: शनिबार, कात्तिक १५, २०८२ ०७:१०
प्रतिक्रिया दिनुहोस्
सम्बन्धित समाचार
-1760598750.jpeg)
