खेल
नेपाललाई पहिलो अन्तर्राष्ट्रिय पदक दिलाउने केसीलाई २५ लाख दिइने
काठमाडौं । नेपाललाई पहिलो अन्तर्राष्ट्रिय पदक दिलाउने पूर्वम्याराथन धावक एवं ओलम्पियन जीतबहादुर केसीलाई सरकारले सम्मानस्वरूप २५ लाख रुपैयाँ दिने निर्णय गरेको छ ।
सोमबार (मंसिर २२) बसेको मन्त्रिपरिषद्को बैठकबाट यस्तो निर्णय गरिएको सरकारका प्रवक्ता एवं सञ्चार तथा सूचना प्रविधिमन्त्री जगदीश खरेलले मंगलबार (मंसिर २३) आयोजित पत्रकार सम्मेलनमा जानकारी दिए ।
केसीले सन् १९७३ मा फिलिपिन्सको मनिलामा आयोजित पहिलो एसियाली एथलेटिक्स च्याम्पियनसिपमा कांस्यपदक जितेका थिए । यो नै नेपालले प्राप्त गरेको पहिलो अन्तर्राष्ट्रिय पदक थियो ।
प्रकाशित मिति: मंगलबार, मंसिर २३, २०८२ १५:३६
प्रतिक्रिया दिनुहोस्
सम्बन्धित समाचार
-1760598750.jpeg)
