खेल
एनपीएलको विजेता लुम्बिनीलाई कति छ पुरस्कार राशि ?
काठमाडौं । नेपाल प्रिमियर लिग (एनपीएल) दोस्रो संस्करणमा च्याम्पियन बनेको लुम्बिनी लायन्सले यसअघि पहिलो संस्करणकै विजेताले पाएको समान पुरस्कार पाएको छ ।
यसअघि पहिलो संस्करणको विजेता जनकपुर बोल्ट्सले १ करोड १० लाख रुपैयाँ पाएको थियो । दोस्रो संस्करणको विजेता लुम्बिनीले पनि यही पुरस्कार राशि पाउने नेपाल क्रिकेट संघ (क्यान) का सचिव पारस खड्काले प्रतियोगिताअघि बताएका थिए ।
यस्तै, उपविजेता बनेको सुदूरपश्चिम रोयल्सले ५१ लाख रुपैयाँ पक्का गरेको छ । यसैगरी तेस्रो स्थानको विराटनगर किंग्सले २५ लाख र चौथो स्थानको काठमाण्डू गोर्खाजले १५ लाख रुपैयाँ प्राप्त गर्नेछन् ।
प्रकाशित मिति: शनिबार, मंसिर २७, २०८२ १८:४७
प्रतिक्रिया दिनुहोस्
सम्बन्धित समाचार
-1760598750.jpeg)
