अर्थमन्त्रीलाई भेट्न नपाएपछि सिंहदरबारबाहिर जेनजी घाइतेको धर्ना (तस्बिरहरू)

काठमाडौं । विभिन्न माग राखेर अर्थमन्त्रीलाई रामेश्वर खनाललाई भेट्न सिंहदरबार प्रवेश गर्न नपाएपछि जेनजी घाइतेहरूले धर्ना सुरु गरेका छन् ।

उनीहरूले रिलायन्स स्पिनिङ मिल्सको वैदेशिक रोजगारीमा गएकालाई निष्कासन गरेको आईपीओ बाँडफाँड रोक्का गरी नेपाल धितोपत्र बोर्डमा भएको भ्रष्टाचार छानबिन गर्ने मागसहित अर्थमन्त्री खनाललाई भेट्न जान चाहेका थिए । 

तर, बिहान ९ बजेदेखि सिंहदरबार प्रवेश गर्ने पास नपाएपछि उनीहरूले पश्चिम गेटमा धर्ना थालेका हुन् । 

यस्ता छन् माग

• रिलायन्स स्पिनिङ मिल्सको वैदेशिक रोजगारमा गएका नेपालीहरुको लागि निष्काशित आईपीओ बाँडफाँट प्रक्रिया तत्काल रोक्नुपर्ने ।
• निष्पक्ष छानबिन आयोग गठनमा गरी तत्काल धितोपत्र बोर्ड अध्यक्ष सन्तोष नारायण श्रेष्ठलाई निलम्बन गर्नुपर्ने ।
• बोर्ड अध्यक्ष दोषी ठहरिए तत्काल बर्खास्त गर्नुपर्ने ।
• भ्रष्टाचारमा संलग्न दोषीलाई हदैसम्मको कानुनी कारबाही गर्नुपर्ने ।