अर्थ व्यवसाय
बन्दीपुर केवलकारको आईपीओमा आजदेखि आवेदन दिन सकिने
काठमाडौं । बन्दीपुर केवलकार एन्ड टुरिजम लिमिटेडले सर्वसाधारणका लागि प्राथमिक सेयर निष्कासन (आईपीओ) गरेको छ । कम्पनीले प्रतिकित्ता अंकित मूल्य १०० रुपैयाँका ४३ लाख ४१ हजार ८० कित्ता आईपीओ निष्कासन गरेको हो ।
भदौ ११ गते (आज) देखि छिटोमा भदौ १५ गतेसम्म आवेदन दिन सकिनेछ । यो अवधिमा मागअनुसार आवेदन नपरे ढिलोमा भदौ २५ गतेसम्म आवेदन खुला रहने बिक्री प्रबन्धक नेपाल एसबीआई मर्चेन्ट बैंकिङ लिमिटेडले जनाएको छ ।
तर, पछिल्लो समय छोटो अवधिमा नै आईपीओमा मागभन्दा बढी आवेदन पर्ने गरेकाले भदौ १५ गते नै आवेदन बन्द हुने सम्भावना छ ।
लगानीकर्ताले न्यूनतम १० देखि अधिकतम २० हजार कित्ताका लागि आवेदन दिन सक्नेछन् ।
प्रकाशित मिति: बुधबार, भदौ ११, २०८२ १०:४९
प्रतिक्रिया दिनुहोस्
सम्बन्धित समाचार
-1760598750.jpeg)
