कला
फ्राइडे रिलिजमा नाजिरको ‘गुन्यु चोलो’ हलमा
काठमाडौं । चलचित्र ‘गुन्यु चोलो : द ड्रेस’ आजबाट प्रदर्शनमा आएको छ । ‘गुन्यु चोलो’ फ्राइडे रिलिजअन्तर्गत प्रदर्शनमा आएको हो ।
‘गुन्यु चोलो’को ट्रेलर र गीतमा नाजिर हुसेनको ‘पफर्मेन्स’ले तारिफ बटुलेको थियो । अन्य तीनवटा नेपाली चलचित्र हलमा रहेकाले यो चलचित्रले शो भने धेरै पाएको छैन ।
‘गुन्यु चोलो’लाई समुन्द्र भट्टको निर्देशन गरेकी छन् । यो चलचित्र लैंगिक अल्पसंख्यक पारालैंगिक पात्रको कथामा बनेको छ ।
‘गुन्यु चोलो’मा नाजिर हुसेनको मुख्य भूमिका छ । उनले पारालैंगिक महिला (ट्रान्सवुमन)को भूमिका निर्वाह गरेका छन् ।
नाजिरसँगै चलचित्रमा सञ्चिता लुइँटेल, सुशील सिटौला, राजकुमार घोष, शिशिर राणा, अनुपम श्रेष्ठ र विशाल पहारीको अभिनय छ ।
प्रकाशित मिति: शुक्रबार, भदौ १३, २०८२ ०९:०९
प्रतिक्रिया दिनुहोस्
सम्बन्धित समाचार
-1760598750.jpeg)
