अर्थ व्यवसाय
२१.४८ अंकले घट्यो सेयर बजार, कारोबार पाँच अर्ब ३३ करोड
काठमाडौं । साताको पहिलो कारोबार दिन सेयर बजार दोहोरो अंकले घटेको छ । आइतबार बजार २१.४८ अंक घटेर २६०९.६९ बिन्दुमा बन्द भएको छ ।
यस दिन कुल ३२५ कम्पनीको कारोबार भयो, जसमा ४६ कम्पनीको मूल्य बढ्दा २०४ को घट्यो भने आठ कम्पनीको मूल्य स्थिर रह्यो ।
नेपाल स्टक एक्स्चेन्ज (नेप्से)का अनुसार आइतबार एक करोड सात लाख १८ हजार ६१५ कित्ता सेयर ८९ हजार ७३१ पटकमा किनबेच हुँदा पाँच अर्ब ३३ करोड ४४ लाख रुपैयाँको कारोबार भएको छ ।
कारोबारमा आएका कम्पनीमध्ये स्वस्तिक लघुवित्त, श्रीनगर एग्रिटेक र झापा इनर्जीको सेयर मूल्यमा सकारात्मक सर्किट लागेको छ । त्यस्तै, समूहगत सूचकतर्फ १३ वटै समूह राताम्मे देखिएका छन् । सबैभन्दा धेरै व्यापार समूह १.२१ प्रतिशत घटेको छ ।
प्रकाशित मिति: आइतबार, मंसिर २१, २०८२ १५:१९
प्रतिक्रिया दिनुहोस्
सम्बन्धित समाचार
-1760598750.jpeg)
